7 எங்குமிலை இலையே (சின்னஞ்சிறு கிளியே)

பல்லவி

எங்குமிலை இலையே யோகம்-போல் நன்மை-தரும் கலையே

அனுபல்லவி

இம்மை மறுமையிலே-யோகம் ஏற்றம்  அளிக்குமன்றோ

எங்குமிலை இலையே யோகம்-போல் நன்மை-தரும் கலையே

சரணம்

இன்றைக்கிங்கிப்பொழுதே அம்மம்மா யோகமெனும் அறமே 

கொண்டு உயர்ந்திடவே நீ சென்று நாடிப் பெறுவாயே

எங்குமிலை இலையே யோகம்-போல் நன்மை-தரும் கலையே

கோடி பிறப்பினிலும்  அம்மம்மா உன்னைத் தொடருமடி

நாடி குருவைக் கொண்டால் யோகத்தால் ஊழும் விலகுமடி

உச்சி..யில்-வான் விழுந்தால் அதையும் தாங்கி-இருக்கும்படி 

சக்திதன்னைப் பாராய் அழகாய் யோகம்-கொடுக்குமடி

எண்ணத்தைக் கட்டிவிட்டால் யோகத்தால் நற்கதி கிட்டுமடி

தன்னை உணர்ந்திடிலோ அம்மம்மா  சின்மயமாகுமடி

உள் கண்ணை நீ திறப்பாய் யோகத்தால் குருவின் வாக்குப்படி 

பின் உன்னில் தோன்றுமன்றோ கண்ணன்-தாள் உன்னுயிர் உய்யுமன்றோ

உன்னுயிர் உய்யுமன்றோ (2)

FIRST PAGE